贈電腦送飯盒 滙豐善心助基層

行政人員版 04:00 2021/04/26

分享:

疫情下唔少學生要喺屋企上網課,電子學習設備對基層來講係一大負擔。黛安收到風,滙豐今年初收集咗300部平板電腦,刪除客戶資料後,將電腦清潔消毒同重新安裝咗基本軟件,早前滙豐香港區行政總裁施穎茵(Diana)就同滙豐香港區營運總監林慧虹(Luanne),到惜食堂將電腦送畀兩個家庭,同時了解佢哋喺疫下嘅學習需要。兩人仲聯同惜食堂創辦人董愛麗,一齊準備飯盒畀區內嘅長者,真係好有心。

公關姊妹話,今年正值滙豐銀行慈善基金成立40周年,滙豐會再次同惜食堂合作,稍後將推出「智能食物捐贈項目」,為捐贈者提供實時數據,包括食物收集機或收集點嘅位置,以及所需食物等資訊,大家記得多多支持啊!

本文轉載自《晴報

Diana(右二)、Luanne(左一)、惜食堂創辦人董愛麗(右一)早前將電腦贈送畀有需要嘅家庭。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版