7-Eleven積木小店舖 蠟筆小新6角色粉墨登場

行政人員版 04:00 2021/04/27

分享:

漫畫角色蠟筆小新外形趣致,加上無厘頭性格,多年來迷倒唔少粉絲。黛安收到風,7-Eleven最近有新搞作,推出全新一套10款「積木小店舖」,不但有6位《蠟筆小新》角色,例如廣志、美冴、小白等,當中小新會以5種造型粉墨登場,更會破天荒crossover各大零食、飲品和啤酒品牌,明日(28日)早上開始就可以儲印花換購喇!

今次積木小店舖內有BANBAO積木一套,採用活動式設計,砌完都唔係得個睇字!如果儲齊一套想好好展示,就要留意「7仔小市集收藏組合」,當中7-Eleven店舖以兩層式設計,更附有LED燈仔積木可以照亮店舖,夠晒豪華!組合有3塊積木底板及多款小配件,讓大家放上各款小店舖,創作獨一無二嘅小市集,喺換領期內任何消費都可以加$168換購。

黛安知道,除咗各大零售品牌,yuu店舖今次亦獨佔一款設計,同埋動感超人小新一齊出場;yuu會員仲有專屬換領優惠㖭,各位粉絲唔好錯過呀!

本文轉載自《晴報

積木小店舖可配合「7仔小市集收藏組合」,組成獨一無二的小市集。

小新亦會以動感超人造型,與yuu店舖攜手出現。

今次小新以不同造型登場,經典紅衣造型就配珍寶珠店舖。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版