生存.生活.生趣

副刊版 2021/06/21

分享:

近日有個外賣速遞公司廣告,請來黃子華做主角,由於廣告文案寫得好,受到不少讚賞。用子華腔說出以下句子,港人份外共鳴:「香港人搵食世界第一,因為喺香港人嘅生活之中,搵食排名第一!淨係搵食,我哋到頭來搵到啲乜?搵到份工,你老竇老母搵唔搵到你?你真係好鍾意返工呀?有無時間搵鍾意嘅人?搵到餐餐九大簋,係咪已經捱壞咗副偈?你搵到個錢,但係搵唔搵到樽鹽(尊嚴)?你搵到首期,又有幾多時間留喺屋企?」

人生要平衡,識講的人多,真正做到的人少。每個階段有不同的人生焦點,年輕階段由零開始,花全副心機精神去搏殺,正常不過。但我認識不少中年人士,一早已脫離「搵食」階段,衣食住行已無憂,卻仍然長期處於眼裏只有工作的狀態,結果搞到同子女感情淡薄、夫妻離婚、年邁父母少見、健康出岔子等問題;其中一位甚至因為想搏升一級而做到中風,才四五十歲人,得不償失。

美國科技公司Kisi發表了「2021年Work-Life Balance城市排行榜」,結果香港連續第二年蟬聯冠軍,但這個第一並不值得高興,因為是「全球最累城市」冠軍。報告發現,香港人的「全球勞累指數」是:每周工作時間比國際勞工組織建議的四十小時,超出標準的兩成九,可謂勞累到「天下無敵」。

見到認識的人,我不會只問「你好嗎?」我還會問「那你快樂嗎?」但沒有幾多個很快樂。每人的快樂成分不同,能讓我快樂的,未必讓你快樂。但我知道,日日把自己勞累至死,肯定不會快樂。自己快樂自己尋,關鍵是四個字:「的起心肝」。

的起心肝去尋、的起心肝去實行,我就是這樣慢慢地認識屬於自己的快樂。學子華在廣告尾段話齋:「搵食啫,唔好搵自己笨;人生不只搵食,搵吓搵食以外嘅人生。」對,人生不只要生存,生存以外,還有生活、生趣,才不枉此生。

撰文 : 利嘉敏

欄名 : 攻關女子

緊貼財經時事新聞分析,讚好hket Facebook 專版