野口街霸造型遊走全港 小丸子 x Street fighter最強聯「萌」

行政人員版 04:00 2021/06/23

分享:

今年係《櫻桃小丸子》面世30周年,黛安收到風,小丸子會同一眾好友破天荒扮演經典街霸角色,換上格鬥造型遊走港九新界,仲會喺7月9日起現身MCP Central & MCP Discovery,粉絲們記得去打卡喇!

公關姊妹話,詭異冷靜又神出鬼沒嘅野口同學,會率先來到香港,扮演終極大佬赤目司令遊走各區,去完生果檔又去街市,仲有粉絲亂入互動一番,場面搞笑。另外,小丸子就同春麗潛入社區,體驗下香港嘅生活;甜美嘅小玉就同春日野櫻各出絕招,喺渡輪碼頭同各位過下招;帥氣嘅花輪同學就擺出「波動拳」姿勢,聽講佢會同街霸主角隆喺海旁對決㖭。

野口同學除咗會同赤目司令夜遊香港外,仲會同更多角色陸續以街霸造型現身MCP新都城中心嘅《櫻桃小丸子x Street Fighter最強聯「萌」》經典格鬥場景,大家係咪好期待呢!

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版