信和商場「齊撑運動員」 $800萬打造連串奧運活動

行政人員版 04:00 2021/07/22

分享:

東京奧運今個星期五開幕喇!黛安非常期待,公關姊妹話,信和集團旗下嘅屯門市廣場、奧海城和荃新天地,將會同全港市民「齊撑運動員」,信和仲豪擲$800萬推出多項主題活動、直播開幕禮和重點賽事,兼有多項購物優惠獎賞,一齊為奧運選手打氣!

今屆奧運,香港代表隊攞到46張入場券,係歷年之最。公關姊妹話,奧海城和屯門市廣場將會同TVB和ViuTV合作,舉辦奧運開幕和精采賽事直播活動,免費招待市民、基層和少數族裔家庭欣賞賽事,仲會舉辦多項運動體驗課程,包括由前國家隊女排隊員孫玥指導嘅排球訓練班、由曹星如前教練教授嘅拳擊訓練班、香港獎牌希望嘅劍擊運動訓練班和深受歡迎嘅足球運動訓練班等,希望啟蒙更多未來運動新星。

另外,商場亦會同中國香港體育協會暨奧林匹克委員會合作舉辦奧運展覽,展出奧運火炬、奧運運動員戰衣和奧運特別版郵票,奧海城亦有運動電競體驗區,等大家可以一嘗做運動選手嘅滋味。

S+REWARDS會員只要用指定點數,就可換領奧運活動入場券和購物優惠,喺商場直播賽事活動期間,仲有「快閃直播獎賞」㖭。

本文轉載自《晴報

商場提供的課程種類繁多,包括由前國家隊女排隊員孫玥指導的排球訓練班。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版