「藝遊.香港」慈善行 籌款助殘疾人士

行政人員版 04:00 2021/07/26

分享:

疫情下好多人留港宅度假,反而發掘到香港有唔少好去處。黛安聽公關姊妹講,香港展能藝術會將舉行「藝遊‧香港」慈善行籌款活動,活動由香港「逸‧酒店」冠名贊助,大家可以攞住印有展能藝術家藝術作品嘅明信片,遊走香港多個極具特色嘅景點,影下相、打下卡,好好記錄當下嘅香港。

參加者只要捐款$350,就可以去到港、九、新界4個景點,照住明信片嘅相打卡,之後將相片上載至指定網頁,即可以獲得獎牌同活動紀念品。活動設有個人、家庭和團體組,籌得嘅善款將會用作支持殘疾人士能平等地參與藝術活動,同埋喺表演、視覺或創意藝術等領域追求專業嘅發展。活動咁有意義,今個夏日大家一齊「藝遊‧香港」啦,【請按】瀏覽詳情。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版