新都城中心「體通體透體育學院」 與精英運動員近距離接觸

行政人員版 04:00 2021/10/15

分享:

今年喺奧運效應下,體育熱潮席捲全港,黛安知道,香港體育學院同恒地旗下商場新都城中心2期及3期,打造咗「體通體透體育學院」主題活動,噚日仲請咗「牛下女車神」李慧詩(Sarah)和空手道運動員李振豪出席開幕儀式,同市民近距離玩遊戲。

公關姊妹話,活動由即日起至31日,除咗展出一系列珍貴相片及運動員嘅專屬裝備外,仲會舉行多場精英運動員分享會,Sarah話已參加咗3屆奧運會,好感激大家一直陪住佢奮鬥和成長。李振豪亦話,運動員生涯絕非一帆風順,之前確診新冠肺炎,好彩有體院全力支援,令佢可以慢慢恢復訓練。

噚日李振豪亦親身示範空手道招式,仲請咗4位幸運兒上台接受指導,同大家打成一片,影大合照時,好多人都因為「集郵」成功而感開心。

本周日(17日)、23日和31日,就輪到香港劍擊隊「大師兄」張小倫、「劍擊花美男」崔浩然、東奧乒乓女子團體賽銅牌得主杜凱琹、李皓晴及蘇慧音等到場分享,大家記得去捧場喇。

本文轉載自《晴報

李振豪(左一)、體院社區關係及市務總監李忠民(左二)、 恒地租務市場拓展助理總經理馬絳帷(右二)和李慧詩出席開幕儀式。

李慧詩於單車體驗區示範。

李振豪示範空手道。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版