惠康新概念超市進駐西寶城 引入食街最「鮮」購物體驗

行政人員版 04:00 2021/10/18

分享:

黛安放假都鍾意行下超市,公關姊妹話,全新概念超市Wellcome Fresh惠康「鮮」級市場,上周剛進駐西寶城,呢度佔地5萬平方呎,有多達23個特色主題專區、逾15,000款嘅全新產品同新鮮食材,真係有排行呀。

懷舊肉檔 賣有機無激素靚食材

日前黛安都去睇過,場內3大鮮活食材區域包括新鮮蔬果、肉類及海鮮,搜羅咗多款時令新鮮食材,除咗有泰國和東南亞國家嘅熱帶蔬果,亦有日韓、歐美等直送水果,並引入本土耕種嘅蔬菜;海鮮專區則有逾100款游水及冰鮮海鮮;呢度仲有個懷舊肉檔,主打有機無激素靚肉,如本地飼養、無荷爾蒙添加黑毛豬等,啱晒追求健康優質食材嘅顧客。

Wellcome Fresh更首度引入食街概念,當中包含烘焙、和風美食、韓式料理、Pizza、燒味、熟食、本土小食等。此外,仲有多個食品和日常生活區域,包括麵食、日用品、美酒、素食及寵物專區等,真係好方便。即日起至本周五(22日)店內更有限定驚喜福袋,顧客可以$20帶走價值逾$300嘅產品,每日限量100個,售完即止㗎。

本文轉載自《晴報

惠康新鮮食品商務拓展董事李昭韻(左三)、惠康品牌及市場營銷總監李綺雯(右二)與同事為Wellcome Fresh開幕感興奮。

食街包含烘焙、和風美食、韓式料理、Pizza、燒味、熟食、本土小食等。

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版