海洋公園保育基金慈善賽 星級運動員保衞海洋

行政人員版 04:00 2021/11/29

分享:

香港海洋公園保育基金噚日舉辦「慈善接力挑戰2021」,係水上樂園建成後首個公開體育活動。今次以「同心接力、保衞海洋」為主題,提醒大家全球正臨生態危機,如氣候變化、塑膠污染等,活動共籌得逾$120萬善款,將用作支持保育基金喺本地及亞洲嘅野生生態保育及有關教育項目,今次參加接力賽嘅隊伍仲星光熠熠㖭。

接力賽共分3部分,包括350米游泳、10公里單車以及3公里山跑,真係「三項鐵人賽」一樣,有70幾隊隊伍落場參與,其中明星隊由海洋公園主席劉鳴煒率領,星級運動員隊則由海洋保育大使郭晶晶率領,隊員包括本港泳隊代表江忞懿、「欄王」陳仲泓、同滑浪風帆代表陳晞文。

晶晶仲喺閉幕禮上分享其減塑心得,話環保習慣非一朝一夕,要每日注意自己日常生活有無造成污染同浪費,亦要以身作則教子女明白愛護環境重要性,日常生活減少使用塑膠。

本文轉載自《晴報

香港海洋公園公司行政總裁黃嗣輝與郭晶晶主持鳴槍儀式

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版