大家樂「新豬肉肉餅煲仔飯」 健康有營素食新體驗

行政人員版 04:00 2021/12/03

分享:

最近天氣轉涼,黛安都心思思想食煲仔飯。公關姊妹同黛安講,大家樂繼早前推出「招牌焗素豬扒飯」後,最近更首度夥拍OmniFoods,推出全新純素新產品「OmniPork新豬肉肉餅煲仔飯」,為大家帶嚟素食餐飲新體驗。

姊妹話,考慮到大眾嘅口味,「OmniPork新豬肉肉餅煲仔飯」利用創新食材研製,選用榮獲PETA亞洲善待動物組織認可嘅純素OmniPork新豬肉,配合高纖紅米飯底,有「營」健康之餘,仲可以滿足素食愛好者對味道嘅要求。

為咗隆重其事,早前仲特別邀請咗大家樂集團行政總裁(香港)梁可婷(Piony),及Green Monday創辦人兼行政總裁楊大偉(David)出席主持儀式。Piony話,疫情改變咗大家嘅生活習慣,大家樂都以創新思維,迎合市場需要和滿足大家對健康飲食嘅需求,更計劃日後將健康飲食延伸至唔同產品系列。David就話好榮幸可以同大家樂合作,作為2個香港本土品牌,雙方對可持續發展嘅理念不謀而合,希望透過今次聯乘為市場帶來革命性嘅改變,令香港人有更多純素選擇。

本文轉載自《晴報

Green Monday創辦人楊大偉(左)和大家樂集團行政總裁(香港)梁可婷(右)

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版