極品父母

副刊版 2022/01/18

分享:

分享:

有些孩子的頑劣行為,配合極品父母的扭曲教導,毋須印度神童預言,都能預知這類孩子長大後,大有機會為害社會。

友人在商場遇見一個大概八、九歲的女童,她隨意將吃完的薯片包裝袋丟在地上,友人走上前好言相勸:「小朋友,廢物要掉入垃圾桶,不能掉在地上㗎噃!」

誰知道女童牙尖利嘴地反駁:「呢度有人掃地㗎嘛,無垃圾佢哋咪無嘢做?」

友人欲想說下去,女童已一個箭步跑到父母的身後躲起來。那對男女隨即兇巴巴地罵道:「做乜呀?蝦細路呀?」「你邊隻眼睇到係我個女掉㗎?」「你話係就係呀,我做乜要信你,咪查CCTV囉!」唉,極品!

又有男童在家砸碎了一個花瓶,媽媽罵他,他立即找來代罪羔羊:「唔係我打碎嘅,係細佬打碎嘅!」媽媽說明明看見是他打碎的,還要說謊話。「咁你唔擺個花樽喺度,咁咪唔會打碎囉!」你夠有打碎過碗碟啦,又唔見老竇罵你?」

推卸責任、淡化過失、反撥污水等,一概彈出。阿媽說不過他,狠狠給他一記耳光,以暴力作為事件的終結。

有男童的行為更見嚴重,在街上對一頭小狗拳打腳踢,行人看不過眼跑過去阻止他,誰知小惡霸揚聲罵:「關你哋乜事呀,隻狗係我嘅,我鍾意點都得!」

他的媽媽跑過來附和:「畜牲嚟之嘛,使乜咁緊張?咁多人夠虐兒啦,你又唔去拉佢哋?」

唉,極品!

撰文 : 鄧藹霖

欄名 : 會笑媽媽

緊貼財經時事新聞分析,讚好hket Facebook 專版