美心月餅「蜘蛛俠」+Minions 早鳥優惠

下個月就係中秋節，黛安知道，美心月餅今年又有新搞作，除咗有Minions迷你兵團系列外，仲有Marvel超級英雄之「漫威蜘蛛俠」拔絲蓮蓉月餅，蜘蛛俠月餅盒個蓋仲設有裝置，可投射出蜘蛛俠嘅頭像，大人細路可以一齊玩，好盞鬼；盒內有6個拔絲蓮蓉月餅，每個餅模上更印埋蜘蛛俠嘅代表記號，每盒零售價$290，依家特價只售$188.

一向大受歡迎嘅Minions迷你兵團月餅，今年更推出「迷你兵-Bob」，月餅盒以不倒翁設計配上圓碌碌立體造型，人見人愛；一盒有3個拔絲蓮蓉月餅，特價後只售$168.

姊妹話，美心提倡環保及持續生產，今年推出特別版翠林明月雙黃白蓮蓉月餅禮盒，包裝選用獲FSC認證嘅紙張製成，慶祝佳節之餘都不忘關注地球生態。現憑指定信用卡購買可享6折優惠，折後售$238.8.

本文轉載自《晴報》