中環街市創意畢業展 體驗青少年「好心情」世界

行政人員版 04:00 2022/09/26

分享:

分享:

除咗身體健康,心靈健康都好重要,黛安知道,社創單位「加減乘除」與多間機構合作嘅青少年生命藝術共創計劃「生命不加索」,即日起至下月2日會喺中環街市1樓INNO Expo舉行《玩創好心情藝術展》畢業展覽,畀市民感受同理解過去1年間參加計劃嘅青少年嘅內心世界。

參加不同工作坊

畢業展分為「探索」、「經歷」及「表達」3大展區,分別展出逾200件學生嘅藝術作品,大家可從中感受佢哋嘅故事;另外亦可去「玩創你個樣」互動打卡位,用磁石拼湊出代表自己嘅獨特公仔影相留念,或前往用超過40個退役可樂膠盤組成嘅「好心情可樂樽」體驗區,換領「好心情提醒」同其他精美紀念品㗎。

展覽期間,大家更可到網上登記參加不同「藝術『自』療工作坊」,包括「心靈藥盒」工作坊、「掛住小確幸」工作坊等,用簡單材料製作充滿藝術感嘅作品或飾物,費用全免,額滿即止,報名詳情可【按此】瀏覽。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版