復康會「無障行者」隊際體驗賽 今起報名

行政人員版 04:00 2022/10/03

分享:

分享:

「無障行者」係香港復康會嘅年度重頭活動,希望畀市民體驗眼睇唔到、口講唔到、身郁唔到等殘疾人士同長期病患者嘅生活挑戰,推動市民建立一個關愛共融嘅社會,籌到嘅善款將用嚟支持復康會服務,畀更多殘疾人士同長期病患者得到優質復康服務。黛安收到風,今年嘅活動將於12月11日喺中環遮打道舉行,大家即日起至下月12日前,可上網報名。

今年活動主題係「破障‧心導行GO!」,當日朝早9時半起,將率先舉行隊際體驗賽,以4人一組進行,組別分為企業、公眾、親子、學生,同包括最少2位殘疾人士或長期病患者同家屬嘅「用者挑戰組」,參加者可以得到活動T-shirt、完成獎牌同其他精美紀念品。

各路綫組別累計比賽分數最高嘅18組隊伍,以及累計籌款額最高嘅6隊亦可分別獲獎,實在好玩又有意義,想參加嘅就要快啲上官方網站報名喇。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版