全新卡樂B Jagabee熱浪香辣味薯條 打造雙重脆辣滋味

行政人員版 04:00 2022/10/06

分享:

分享:

卡樂B產品係唔少港人嘅家居或辦公室必備零食,當中「熱浪」薯片推出多年仍備受追捧,絕對係品牌嘅王牌產品。黛安收到風,最近卡樂B破格糅合香港經典口味及港日粉絲至愛嘅宅卡B薯條,推出全新「卡樂B宅卡B薯條(熱浪香辣味)」企身袋裝,熱浪風格嘅包裝上更有人氣角色Jagabee Potta驚喜現身,睇見包裝都感受到來自熱浪嘅熱情,同埋Jagabee嘅「脆」味,自問忠粉嘅你,一定要試下。

提到最經典嘅薯片口味,大家必定會聯想到「熱浪」薯片,獨特香料風味配上辛辣作點綴,每次都食到停唔到口!今次卡樂B與宅卡B聯乘,大家可以食到由原隻馬鈴薯製成嘅香脆薯條,口感鬆脆不油膩,表層沾滿「熱浪」獨特調味料,香辣惹味嘅口感,絕對係令人難以抗拒嘅脆香火辣新滋味。

「卡樂B宅卡B薯條(熱浪香辣味)」企身袋裝10月中就會喺各大超市、便利店及零售店發售,每包淨重85克,內附5小包,由香港工場新鮮生產,各位熱浪迷到時記得去入貨喇。

本文轉載自《晴報

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版