領展「屯門山海節」升級回歸 「3+2」山海路綫 深度認識屯門

行政人員版 04:00 2022/10/07

分享:

分享:

每逢放假,黛安都鍾意出去呼吸下新鮮空氣,屯門附近有好多個自然生態及文化景點,區內嘅「世界級」打卡景點亦鄰近領展嘅良景廣場、蝴蝶廣場、富泰商場及三聖商場,一向都係行山及單車人士熱愛嘅出遊點。

黛安知道,領展今年會再辦「屯門山海節」,即日起至11月30日,以「山海日常」為主題,推出3條打卡必到嘅行山路綫,及2條簡易單車文化遊路綫,各條路綫貫通屯門多個歷史文化景點,鼓勵大眾將「山海」自然融入「日常」生活。

今次升級回歸嘅「屯門山海節」,仲會與本地古典手工單車品牌舊日子博物館Common Sense合作,喺3條行山路綫上,特別新設計2條輕騎山海系路綫「古樸鄉村輕騎行」及「日落漁村輕騎行」,同時特設由專人帶領導賞嘅「山海綫」復古單車輕騎體驗團,畀大眾深度認識屯門。

除咗「3+2」山海路綫,佢哋仲會聯乘超過10個品牌推出唔同主題活動,包括日系單車租借、「單車咖啡裝置」工作坊、單車流動市集、山系市集及限定山系裝備換領等。活動詳情可【按此】瀏覽相關資訊。

本文轉載自《晴報

海系路綫-港版邁阿密

復古單車體驗團

單車咖啡裝置工作坊

撰文 : 黛安 消息特靈八卦公關

欄名 : 八卦名利場

緊貼財經時事新聞分析,讚好hket Facebook 專版