「慢活‧樂」@元創方聖誕工作坊 親手製窩心禮物

聖誕節想氹摯親開心，親手製作禮物自然最窩心。黛安知道，「慢活‧樂」@元創方今年推出超過15個聖誕主題工作坊，廣邀手作達人開班授徒。由即日起至聖誕節當日都可以上堂，價錢由$280至$920不等，初學者可輕易上手，最啱用嚟做情侶或親子活動。

想布置靚靚家居，黛安就推介學整松果聖誕樹及聖誕花環，導師會教大家用多款花材、果實同聖誕裝飾，整棵搶眼又慳位嘅小小聖誕樹。鍾意香薰嘅朋友，仲可加入流體形態香薰蠟燭工作坊，及聖誕香薰石工作坊，成個聖誕都可以香噴噴又溫馨。

禮物方面，黛安最想跟工匠學整聖誕黃銅牌及薑餅人純銀吊墜，仲有日本京都京友禪染色，大人小朋友都可以掌握得到，更可留下永久保存嘅聖誕回憶，別具意義。

課程及報名詳情【按此】瀏覽相關資訊。

本文轉載自《晴報》

▲ 松果聖誕樹

▲ 薑餅人純銀吊墜