麥當勞「去麥記lor？」活動 一連5日送5萬份經典美食

早前香港麥當勞作為亞洲首個喺兔年之始推出全球品牌活動「Raise Your Arches」嘅市場，送上「去麥記lor？」活動，取得空前成功，至今吸引逾36萬顧客人次參與贏取10萬份免費經典美食。黛安收到風，麥當勞見活動反應熱烈，噚日起至2月10日，一連5日將加碼送出合共5萬張經典美食電子換領券，延續開心時刻。但要留意，今次活動只供從未喺1月26至2月4日期間參與「去麥記lor？」活動嘅顧客參加。只要追蹤香港麥當勞官方帳號（@mcdonaldshk），到每日指定活動貼文留言「去麥記歎（當日主題美食）lor？^^」、標籤兩位朋友即可參加。

另外，麥當勞更公布首次與信和集團合作，即日起至2月15日喺尖東維港打造「去麥記lor？」全港最大嘅戶外幕牆打卡位，是次品牌活動嘅宣傳廣告雲集多位香港至潮華納歌手及演藝名人和DJ等，包括羅蘭、Do姐、MC張天賦、陳蕾等，帶嚟「戚眉」創意短片及戶外大型廣告，祝願大家兔年喜上眉梢、眉飛色舞。

本文轉載自《晴報》

▲ 銅鑼灣港鐵扶手電梯旁的數碼屏幕，最近都有「去麥記 lor？」創意短片。

▲ 尖沙咀中心及帝國中心出現「去麥記lor？」全港最大戶外幕牆打卡位