33位白領踏舞台太古坊上演英語音樂喜劇《無問題》

行政人員版 04:00 2023/06/02

黛安收到風，今年太古坊與香港青年藝術協會（HKYAF）再度攜手，創作富本地元素嘅英語音樂喜劇《PROJECT AFTER 6︰無問題》，於6月16至24日喺鰂魚涌太古坊ArtisTree公演，音樂劇共有9場，內容圍繞住香港日常細節，展現唔少港人對呢個城市嘅愛恨情仇，充滿幽默又能引起共鳴，包括描述「太太」與外傭嘅微妙關係、被過度崇拜嘅「補習天王」等。

音樂劇由HKYAF創辦人Lindsey McAlister創作及編導，自2021年底開始公開招募演員，從超過500位申請者中揀咗33位白領，每位演員都帶住唔同文化背景和生活經歷，相信可以喺舞台上迸發唔同火花。音樂劇門票已公開發售，成人票價$150，全數收益將捐畀香港青年藝術協會，活動詳細可【按此】瀏覽相關資訊。